रिपोर्टर नूरखान
अमळनेर :- “एचआयव्ही सह जगणाऱ्या व्यक्तींच्या आयुष्यातील अंधार दूर करण्यासाठी ही मदतीची रास लागली आहे, त्यामुळे नक्कीच त्यांच्या आयुष्यात आनंदाची पणती प्रज्वलित होईल,” असे प्रेरणादायी उद्गार मंगल ग्रह मंदिर संस्थानचे अध्यक्ष श्री. दिगंबर महाले यांनी काढले.
रोटरी क्लब, अमळनेर आणि आधार बहुउद्देशीय संस्था यांच्या संयुक्त विद्यमाने अंकुर सेवा सेतू प्रकल्पांतर्गत एचआयव्ही सह जगणाऱ्या अनाथ व एकल पालक बालकांसाठी दिवाळी निमित्त सकस आहार, प्रोटीन किट, दिवाळी फराळ, मिठाई व वस्त्र वाटप कार्यक्रम अत्यंत उत्साहात पार पडला.
गरजू बालकांना पौष्टिक किट वितरण.
या कार्यक्रमात ३३ अति गरजू मुलांना दर महिन्याप्रमाणे आधार बहुउद्देशीय संस्थेमार्फत किराणा किट, तसेच रोटरीयन ईश्वर सैनानी यांच्या चि. आदित्य यांच्या वाढदिवसानिमित्त प्रोटीन किट देण्यात आले.
दिवाळी अधिक गोड व आनंददायी व्हावी म्हणून स्वादिष्ट नमकीन अमळनेरचे संचालक रोटरीयन विजय पाटील व निलेश पाटील यांनी दिवाळी फराळ व मिठाईचे वाटप केले.
महिलांसाठी साडी, पुरुषांसाठी ड्रेस.
एचआयव्ही सह जगणाऱ्या ५० महिलांना साड्या व ११ पुरुषांना ड्रेस श्री. भूषण बिर्ला व सौ. जयश्री बिर्ला यांच्या वाढदिवसानिमित्त देण्यात आले. या उपक्रमामुळे दिवाळीचा आनंद प्रत्येक गरजू कुटुंबापर्यंत पोहोचवण्याचा प्रयत्न झाला.
मान्यवरांची उपस्थिती व संदेश.
कार्यक्रमाचे अध्यक्षस्थान श्री. दिगंबर महाले (अध्यक्ष, मंगळ ग्रह मंदिर संस्था, अमळनेर) यांनी भूषवले.
प्रमुख पाहुणे म्हणून लायन्स क्लब अमळनेर चे अध्यक्ष डॉ. संदीप जोशी व सचिव महेंद्र पाटील उपस्थित होते.
त्यांच्या निवडीबद्दल रोटरी क्लबकडून त्यांचा सत्कार करण्यात आला.
कार्यक्रमाचे प्रास्ताविक डॉ. भारती पाटील (अध्यक्ष, आधार बहुउद्देशीय संस्था) यांनी केले, तर प्रतीक जैन यांनी अंकुर सेवा सेतू प्रकल्पाची माहिती दिली.
देवेंद्र कोठारी व रेणू प्रसाद यांनी श्री. महाले सरांचे स्वागत केले, तर रो. आशिष चौधरी व डॉ. भारती पाटील यांनी डॉ. जोशी व पाटील यांचा सत्कार केला.
डॉ. संदीप जोशी यांनी आपल्या मार्गदर्शनपर भाषणात सांगितले की, “एचआयव्ही बाधितांनी आहार व आरोग्याची काळजी घेणे अत्यंत आवश्यक आहे. ग्रामीण भागातील बाधित रुग्णांना मदत करण्यासाठी आपण सर्वांनी एकत्र यावे.”
भूषण बिर्ला यांनी सर्व मुलांशी संवाद साधत त्यांना दिवाळीच्या शुभेच्छा दिल्या.
अध्यक्षीय भाषणात श्री. दिगंबर महाले यांनी या प्रकल्पाचे कौतुक करत म्हटले की, “समाज म्हणून आम्ही तुमच्या पाठीशी आहोत. अशा उपक्रमांमुळे मानवतेचा दीप प्रज्वलित राहतो.”
आयोजन आणि सहकार्य.
कार्यक्रमाचे सूत्रसंचालन अश्विनी भदाणे यांनी केले, तर रेणू प्रसाद यांनी आभार प्रदर्शन केले.
या प्रसंगी रोटरी क्लबचे अध्यक्ष रो. देवेंद्र कोठारी, सचिव रो. आशिष चौधरी, तसेच डॉ. अपर्णा मुठे, वनश्री अमृतकर, विशाखा चौधरी, शिल्पा सिंघवी, अभिजीत भंडारकर, राजेश जैन, रोहित सिंघवी, रोनक संकलेचा, किशोर लुल्ला, वृषभ पारख आदी मान्यवर उपस्थित होते.
कार्यक्रमाच्या यशस्वी आयोजनासाठी संजय कापडे (प्रकल्प समन्वयक), पूनम पाटील, राकेश महाजन, मुरलीधर बिरारी, भावना सूर्यवंशी, योगिता पाटील, उर्जीता शिसोदे, दीप्ती शिरसाठ, मोहिनी धनगर, वंदना पावरा यांनी परिश्रम घेतले.
रोटरी क्लब अमळनेर आणि आधार बहुउद्देशीय संस्था यांचा हा उपक्रम समाजातील उपेक्षित घटकांना आशेचा किरण देणारा ठरला आहे.
“दिवाळीचा खरा आनंद म्हणजे अशा मुलांच्या चेहऱ्यावर हसू फुलवणे,” असा संदेश उपस्थितांनी दिला.
