By – Waseem Raza Khan (Chief Editor)
دسمبر کے مہینے میں مالیگاؤں سے جڑے 1200 کروڑ روپے کے منی لانڈرنگ کیس میں ناسک مرچنٹ کو-آپریٹو بینک کے ایسے کھاتوں پر ای ڈی نے چھاپہ مارا جو ایسے لوگوں کے نام سے بنائے گئے تھے جو یا تو عام مزدور یا بے روزگار لوگ تھے۔ لیکن ان کے کھاتوں میں اچانک ای ڈی کو تقریباً 800 کروڑ روپے کی ہیر پھیر ملی تھی۔ اس معاملے میں کچھ کمپنیوں کے نام بھی سامنے آئے تھے جن کے کھاتوں سے یہ پیسے لوگوں کے کھاتوں میں پہنچائے گئے تھے۔
اس معاملے کو لے کر بھارتیہ جنتا پارٹی کے الیکشن ہارے ہوئے سابق رکن پارلیمنٹ کریٹ سومیا نے مالیگاؤں کو ہدف بنا لیا یا یوں کہہ سکتے ہیں کہ بی جے پی نے سومیا کو ایک قسم کا کام سونپ دیا کہ بھیا تم کو کچھ کام نہیں ہے تو کہیں پھر سے کوئی ویڈیو وائرل نہ ہو جائے اس لیے مالیگاؤں کے پیچھے پڑے رہو۔ اس سے تمہارے پاس بھی کام رہے گا اور بی جے پی کو بھی فرقہ وارانہ کشیدگی پیدا کرنے کا موقع ملتا رہے گا۔ اس سے سیاسی طور پر بے روزگار کریٹ سومیا کو سیاست میں بنے رہنے کا موقع بھی مل گیا اور بی جے پی کے حامی ان کے پرانے وائرل ویڈیو کو بھی بھولنے لگے جس میں انہیں بہت درد سہتے دکھایا گیا تھا۔
ای ڈی کے ذریعے بینک میں رقم کے معاملے کو بنیاد بنا کر سومیا اپنی پارٹی کے اشارے پر اس طرف مڑ گئے جس کا اشارہ کچھ سال پہلے مالیگاؤں کے سابق ممبر اسمبلی نے پہلے ہی دے دیا تھا کہ وہ مالیگاؤں میں 10 ہزار روہنگیاؤں کو بسائیں گے۔ بس پھر کیا تھا، کریٹ سومیا کو کام کرنے کے لیے میدان مل گیا جس کی شروعات انہوں نے مقامی بی جے پی کارکنوں کی مانگ سے کی کہ مالیگاؤں میں بسے بنگلا دیشیوں کو پکڑا جائے۔ سومیا کئی بار مالیگاؤں آئے، ہزاروں صفحات کی رپورٹ تیار کرتے رہے اور آج بھی کر رہے ہیں لیکن ایک بھی بنگلا دیسی نہیں پکڑ پائے۔ پھر کچھ نہیں ملا تو دستاویزات میں دھاندلی کو مسئلہ بنایا اور میونسپل کارپوریشن کے ملازمین کے ساتھ مقامی شہریوں کو جیلوں میں بھر دیا۔
اب مشکل یہ ہے کہ نہ تو کریٹ سومیا اور نہ ہی بی جے پی کسی طرح سے بنگلا دیسی ڈھونڈھ پا رہی ہے۔ اب صرف دستاویزات میں دھاندلی کو لے کر مالیگاؤں پر بدنامی کا داغ لگانے کی کوششیں جاری ہیں جبکہ قانون کے جانکار اچھی طرح سے جانتے ہیں کہ یہ معاملات اتنے سنگین نہیں ہیں، کسی نہ کسی طرح سے قانونی داؤ پیچ کرکے گرفتار کیے گئے لوگوں کو چھڑایا جا سکتا ہے لیکن ایسا نہیں ہو رہا کیونکہ کریٹ سومیا کے ہاتھوں میں مقامی سیاست کا ریموٹ دکھائی دے رہا ہے۔ کمیٹیاں بنا کر اور قانونی لڑائی کا ڈھونگ رچا کر صرف عوام کو گمراہ رکھا جا رہا ہے۔
ناسک میں بنگلا دیسیوں کی موجودگی: سومیا کی ‘اندیکھی’؟
اگر ایسا نہیں ہے تو کریٹ بابو کو ناسک میں پکڑے گئے بنگلا دیسی کیوں دکھائی نہیں دیتے۔ سومیا کو ناسک میں پکڑے گئے بنگلا دیسیوں سے ملنا چاہیے۔ پچھلے دنوں کچھ مزدور ناسک میں ایک تعمیراتی سائٹ پر کام کرتے ہوئے ملے، اس کے بعد ایک خاتون نے فیس بک پر ناسک کے ایک نوجوان سے محبت کرکے ناسک کو اپنا سسرال بنا لیا، اس کے بعد پیر کو پھر 4 خواتین ناسک میں ہی پکڑی گئیں۔ اس طرح کل 12 بنگالی ناسک میں ملے ہیں لیکن کریٹ سومیا کو ناسک کی طرف دیکھنے کے بی جے پی کاحکم نہیں ہیں، کیونکہ یہاں سارے بی جے پی کے ممبران اسمبلی ہیں جنہیں پریشانی ہوئی تو بی جے پی کے الیکشن خطرے میں آ سکتے ہیں کیونکہ یہاں مہا وکاس اگھاڑی بھی مضبوط حریف ہے اور اب یہاں کی میونسپل کارپوریشن پر بھی بی جے پی کی نظر ہے۔ ایسے میں کریٹ سومیا بیچارے کیا کریں، ناسک سے سینکڑوں بنگلا دیسی بھی ملیں گے تو وہ سومیا کے دائرہ اختیار میں نہیں آتے، انہیں تو صرف مالیگاؤں پر نظر رکھنے کا کام دیا گیا ہے۔
ناسک میں ‘ڈنکی روٹ’ سے دراندازی کا انکشاف:
ناسک میں کرائم برانچ یونٹ ایک اور امبڈ پولیس نے مشترکہ طور پر امرتدھام علاقے کے خیرے ملا میں چھاپہ مارا۔ اس دوران، مائشہ حبیب شیخ (22)، نشان مہر شیخ (21)، جھومر حسن شیخ (33) اور ریحانہ جلیل غازی (30، سبھی بنگلہ دیشی) نامی 4 خواتین کے ساتھ نوید بھون داس (38، ساکن امرتدھام) کو حراست میں لیا گیا۔ نوید نے ان چاروں خواتین کو اپنے کمرے میں رہنے کی اجازت دی تھی۔ تحقیقات میں سامنے آیا ہے کہ مشتبہ جگدیش مستری (ساکن سورت) اور 2 دیگر بنگلہ دیشی افراد نے ان چاروں خواتین کو ناسک پہنچایا تھا۔
6 فروری 2025 کو اڈگاؤں شیوار میں ایک تعمیراتی مقام پر پولیس افسران اور اہلکاروں نے بھیس بدل کر 600 مزدوروں کے ہجوم میں سے 8 بنگلہ دیشی شہریوں کو گرفتار کیا۔ گرفتار کیے گئے مشتبہ افراد میں سمن غازی (27)، عبداللہ منڈل (20)، شاہین منڈل (23)، لاسیل شانتار (23)، اسد ملا (30)، علیم منڈل (32)، الامین شیخ (22) اور محسن ملا (22) شامل ہیں۔ مشتبہ سمن غازی پچھلے 12 سالوں سے بھارت میں رہ رہا تھا اور اس کے رابطے کے ذریعے دیگر مشتبہ افراد بھارت آئے تھے۔ سبھی نے نارائن گاؤں کے ایک آدھار مرکز سے جعلی دستاویزات بنوائے تھے۔ یہ سبھی فی الحال جیل میں ہیں۔
سوشل میڈیا پر محبت کی وجہ سے غیر قانونی دراندازی:
11 جون 2025 کو سوشل میڈیا پر ہوئی محبت کی وجہ سے بنگلہ دیش سے خفیہ راستے سے بھارت میں داخل ہو کر ممبئی اور ناسک پہنچی ایک نوجوان لڑکی اور اس کے ناسک میں رہنے والے عاشق کے خلاف ممبئی ناکا پولیس اسٹیشن میں مقدمہ درج کیا گیا۔ مشتبہ افراد کی شناخت ثریہ اختر عرف شریہ کیدارے (عمر 28، ساکن گووند نگر، اصلی ساکن جیسور، بنگلہ دیش) اور گووند نندو کیدارے (ساکن انمول ریزیڈینسی، گووند نگر، اصلی ساکن لسال گاؤں) کے طور پر ہوئی ہے۔ پوچھ گچھ میں سامنے آیا کہ ثریہ نے 5/6 بار غیر قانونی طور پر بنگلہ دیش سے بھارت میں داخلہ لیا تھا، جس کے لیے اس نے بالترتیب پانچ، آٹھ، دس، بارہ اور اٹھارہ ہزار روپے خرچ کیے تھے۔
چار مزید بنگلہ دیشی خواتین حراست میں:
20 جولائی 2025 کو، کرائم برانچ یونٹ ایک اور امبڈ پولیس نے مشترکہ طور پر پنچوٹی پولیس اسٹیشن کے تحت امرتدھام علاقے کے خیرے ملا میں چھاپہ مارا۔ اس دوران مائشہ حبیب شیخ (عمر 22)، نشان مہر شیخ (21)، جھومر حسن شیخ (33) اور ریحانہ جلیل غازی (30) نامی چار خواتین کے ساتھ نوید بھون داس (38، ساکن امرتدھام) کو حراست میں لیا گیا۔ نوید نے چاروں خواتین کو اپنے کمرے میں رہنے کی اجازت دی تھی۔ اس کے علاوہ، مشتبہ جگدیش مستری (ساکن سوتر) اور دو بنگلہ دیشی افراد نے ان چاروں خواتین کو ناسک پہنچایا تھا۔
